fbpx

نداء هام لكل ديلر “تاجر المخدرات”

5 نوفمبر 2021آخر تحديث : منذ 3 أسابيع
عماد جبر
مقالات
بقلم محمد منصور

WhatsApp Image 2021 05 20 at 2.30.02 PM - حواديت اون لاين
قبل ان تتاجر بالمخدرات يجب ان تكون علي معرفة بخمسة اشياء في غاية الاهمية
١ – اول حاجة انك مش هتتحاسب عن نفسك بس لا دا انت هتتحاسب عن كل شاب وقعته في المخدرات فلازم كل تاجر مخدرات يسأل نفسه سؤال انا اضليت كام واحد خربت كام بيت لحد دلوقتي تسببت في ادخال كام واحد السجن وغيره وغيره ضيعت كام شاب لحد دلوقتي وغيره وغيره
( وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ )
( لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ ۗ أَلَا سَاءَ مَا يَزِرُونَ )
٢ – تاني حاجه لازم تعرفها ان مصير تاجر المخدرات اما الي السجن واما الي خراب ودمار عليه وعلي اسرته ومن حوله وانظر الي من حولك من تجار المخدرات ستجد فيهم قول الله سبحانه
( فَتِلْكَ بُيُوتُهُمْ خَاوِيَةً بِمَا ظَلَمُوا ۗ إِنَّ فِي ذَٰلِكَ لَآيَةً لِّقَوْمٍ يَعْلَمُونَ )
٣ – تالت حاجه لازم تعرفها كل مليم بتكسبه من المخدرات وبال ودمار عليك لانه مال حرام ومصير آكله الي النار لان النبي صلى الله عليه وسلم يقول ( كل لحم نبت من سحت فالنار أولى به ) يعني كل جسم تغذي من مال حرام فمصيره الي النار
٤ – رابع حاجة ان كل مليم بتكسبه من المخدرات وهتسيبه لاولادك او لورثتك من بعدك سيكون زاد لك الي النار كل ما انفقوا منه كل ما عذبت انت في نار جهنم لان النبي صلى الله عليه وسلم يقول
( وَلا يَكْسِبُ عَبْدٌ مَالَ حَرَامٍ فَيَتَصَدَّقُ مِنْهُ فَيُقْبَلُ مِنْهُ ، وَلا يُنْفِقُ مِنْهُ فَيُبَارَكُ لَهُ فِيهِ ، وَلا يَتْرُكُهُ خَلْفَ ظَهْرِهِ إِلا كَانَ زَادَهُ إِلَى النَّارِ )
٥ – خامس واهم حاجة لازم تعرفها إن الي بيشرب المخدرات في الدنيا ربنا بيعذبه في نار جهنم في الاخره
بيسقيه من حاجه اسمها طينة الخبال بيسألوا سيدنا النبي بيقولوله ايه طينة الخبال يارسول الله فقال هي عصارة اهل النار يعني ما يسيل من اهل النار وهم يعذبون من قيح وصديد ودماء ونتانة فيشربها في النار يوم القيامه من يشرب المخدرات في الدنيا
فالخمر ورد ذكره في الأحاديث النبوية الشريفة، فعن جابر رضي الله عنه، عن النبي صلى الله عليه وسلم قال: إن على الله عهداً لمن شرب المسكر ان يسقيه من طينة الخبال قيل وما طينة الخبال؟ قال: عرَق أهل النار أو قال عصارة أهل النار . م
فاتقوا الله ياتجار المخدرات في بلادنا
اتقوا الله في ابنائنا اتقوا الله في شبابنا
سيحاسبكم الله حسابا عسيرا

الاخبار العاجلة

سوف يتم التبليغ عن أي مقال مسروق من الموقع