قال المستشار احمد سمير سلام ، المحامى ، ردا على كل التساؤلات التي وردت بخصوص التصالحات فى مخالفات البناء ، موضحا أه ليس شرطا أن يكون المواطن عليه محضر حتى يتقدم للتصالح متسائلا ما الفائدة من ذلك مجيبا كالتالى :
محتويات المقال
أولا: هتقنن وضعك
مش معني أن انت معندكش محضر تبقي مش مخالف ، لأ مخالف ومش هتقدر بعد كده تعلي طوبة واحدة في البيت علشان انت معندكش رخصة ومقدمتش علي تصالح .
ثانيا : كان عندي محضر والحمد لله أخذت براءة فيه
وضعي اية الوقت ؟؟؟
محضر بناء بدون ترخيص له شقان :-
الشق الجنائي والشق الإداري
البراءة بخصوص الشق الجنائي
أما الشق الإداري فأنت مازلت مخالف ومش هتعرف تعلي أو تبنى أدوار تانى هتقف على كده.
لو حبيت ترفع دور هيتعملك….
1- محضر مبانى بدون ترخيص
2- محضر استئناف أعمال
3- محضر عدم تنفيذ قرار ازاله
ثالثا : التصالح يعتبر انك بتشتري رخصة للبيت حتي لو البيت خارج كردون المباني يعني أصبحت داخل الكردون وليك حق في جميع المرافق
رابعا : في حصر دالوقت بيتعمل لقضايا علشان الغرامات التي لم تحصر حتي الآن وهتلاقي جيلك محضر تبديد الغرامة بمبلغ وقدره
طيب التصالح بيكون ازاي ؟؟؟
أولا : هتقدم صورة البطاقة
ثانيا : صورة عقد البيت
ثالثاً : صورة المحضر ولو مش معاك محضر هتقدم إيصال مية وكهرباء ولو مش موجود مياة أو كهرباء هتعمل شهادة كربونية (اختبار كربنه لتحديد عمر المبني)
طيب والقضايا اللي شغالة اعمل اية فيها ؟؟؟؟؟
لما بنروح نقدم علي تصالح المحامي بيقدم المستندات المطلوبه بياخد حاجة اسمها نموذج٣ ( إفادة المحكمة) اللي بتتقدم للمحكمة ويتوقف القضية
طيب بصراحة كده خايف ادبس وادفع فلوس كتير اوي في ام التصالح ده !!!!!!
بص يا سيدي انت ممكن تعمل حسبة بسيطة كده تعرف هتدفع كام تقريبا هتحسب مساحة البيت الإجمالية (الطول × العرض ) يعني مثلا عندك بيت ١٠٠متر هيبقي التصالح ١٠٠ × عدد الادوار المخالفة وسعر المتر من ٥٠ : ١٢٥ في القري وبيتحسب سعر المتر علي اساس الشارع والمنطقة اللي انت فيها
اخر ميعاد تقديم علي التصالح هو ٣٠/٩/٢٠٢٠ يعني مش هتعرف تقدم علي تصالح بعد الميعاد ده
طيب بالنسبة لموضوع تواريخ البناء ؟؟؟
ليها ثلاثة حلول
1- شهادة كربونية
2- تصوير الجو
3- اي صورة تعاقد علي أي مرفق
طيب الموضوع كله هيتكلف كام واستلم منك المصالحة علشان ابقي عامل حسابي ؟؟؟؟
هيكون أقل من غرامة المحكمة وأقل من إزالة البيت وأقل من كفالة النيابة العسكرية التي لا تقل عن ١٥٠٠٠ ج وقد تصل إلى مليون جنيه
وكمان قيمة التصالح بتتقسط على ثلاث سنوات
للاستفسار :
المستشار احمد سمير
01102020238
