كتب: محمد قلشه
نشر مطرب المهرجانات، حمو بيكا مقطع الفيديو يعتذر فيه للفنان الكبير هاني شاكر، قائلًا: لازم أعتذر للفنان الكبير هاني شاكر لاني مكنتش قاصد أعمل أي مشكلة.
وأضاف بيكا لو مكتوبلي اتحبس أتحبس ولو هاخد براءة برضه هاخد براءة اللي كاتبه ربنا هيكون بس كان لازم أتأسف واعتذر لأستاذ هاني شاكر ولأعضاء مجلس نقابة الموسيقيين، لأنه زي أبويا وماينفعش أقف قدام أبويا وأزعق .
واشار بيكا إلى انه إعتذر كثيراً في كافة المنصات وكل فترة بعتذر لأني كنت خايف أروح النقابة تحصل معايا مشكلة هناك، ولما لقيت ماحدش كلمني ولا إعترضني عملت الفيديو واعتذرت فيه وأخدت بعضي ونزلت ماشفتش حتى حد.
وتابع بيكا ان الاستئناف في القضية سوف يكون يوم 25 ديسمبر ولازم أحضر الجلسة ومش ههرب منها حتى لو إتحكم عليا بده يبقى ربنا عاوز كده.