fbpx

وزير التعليم يزف بشرة خير قبل بدء امتحان الثانوية العامة للطلاب واسرهم .. يوجه رسائل هامه

عماد جبر
التعليم
10 يوليو 2021آخر تحديث : منذ 3 أشهر

index e1596547602857 - حواديت اون لاين
يفصلنا عن بدء مارثون الثانوية العامة ساعات قليلة والذى يبدأ صباح اليوم السبت وفى هذا الاطار وجه الدكتور طارق شوقي وزير التربية والتعليم والتعليم الفني، بعض الرسائل لطلاب الثانوية العامة وأسرهم، والتى جتءت على النحو التالى :
1- «هذه الدفعة من طلاب الثانوية العامة أول دفعة تمتحن بنظام التقييم الجديد، والأسئلة ستكون من نوع جديد، وكلها عبارة عن اختيار من متعدد ولا أسئلة مقالية فيها، حتى نصححها بشكل إلكتروني دون عنصر بشري».
2- «بذلنا جهدا على مستوى عالٍ جدا حفاظا على مصلحة أبنائنا وضمان العدالة في التصحيح، وهذه الغرف مؤمنة ولن يدخلها أي أحد والتأمين شبه عسكري، وهناك شاشات كومبيوتر مركزية لمتابعة اللجان على مستوى الجمهورية».
3- «الموجود في مركز التصحيح مش شرط يبقى مُعلم، لأنه مش بيصلح، لكن الكمبيوتر هو اللي بيصلح وعنده الإجابة، وكل الموجودين عندهم تصاريح أمنية».
4- وحول طبيعة العاملين في مراكز التصحيح، أكد وزير التربية والتعليم والتعليم الفني: «بيدخلوا الورق على الاسكانرات، والاسكانر بتقوم بكل المهمة، إلا لو قالت إن في بعض العوائق لتمييز أي إجابة، وبالتالي يتم تمييز الإجابة عن طريق 3 أشخاص غير بعض، ثم تُدخل للكمبيوتر والكمبيوتر هو اللي بيصلح ويجمع ويطرح للتأكد من خلو عملية التصحيح من الأخطاء البشرية».
5- «قانون الغش الجديد فيه حبس ومش عاوزين أي طالب يتعرض لده وأي حالة عن طريق التابلت أو ادخال موبايل أو تخبية سماعة بلتوث أو تخبية سماعة في كم القميص أو تخبية موبايل في الجزمة وكل القصص دي بنشوفها وبنشوف مجموعات التليجرام اللي بتبدل الأشياء دي وكل ده مرصود والكاميرات موجودة ومش عاوزين طالب يتعرض لكده لان ده فيه إهدار للآخرين اللي اجتهدوا».
6- «انتوا لازم تبقوا فخورين بنفسكم أنكم أول دفعة اتعملت بالشكل ده وإن شاء الله تجنوا ثماره في الجامعة وتحققوا أحلامكم وانتوا اجتهدتوا وذاكرتوا واللي اجتهد هياخد أكتر من اللي يستحقه».
7- وجه شوقي رسالة لأولياء الأمور: «لو سمحتوا انتظروا لحد ما يخلصوا هتفرحوا بيهم إن شاء الله وأكيد ميروحوش عند اللجنة وفيه كردون عند اللجان عشان عندنا كورونا ومش عاوزين زيادة الأعداد وبلاش الأهالي يتواجدوا خالص وباذن الله الأمور مطمئنة».


مواضيع قد تهمك


رابط مختصر

سوف يتم التبليغ عن أي مقال مسروق من الموقع