الغدر جالي من القريب .. اب يروى تفاصيل هتك عرض ابنته فى اطفيح

ننشر تفاصيل واقعة غريبة على مجتمعنا خاصة فى جنوب الجيزة وبالتحديد فى مركز ومدينة اطفيح حيث تعرضت فتاة تبلغ من العمر 12 سنة، إلى الاعتداء الجنسي من قبل نجل خالة والدها الذى يبلغ من العمر 26 سنة حيث اعتدى عليها وعاشرها معاشرة الأزواج مما أدى إلى هتك عرضها وتسبب في نزيف مهبلي حسب التقرير الطبي المبدئي الصادر من مستشفى أطفيح المركزي.
وقال والد الفتاه ان نجلته خرجت للدرس حوالي الساعه 8 الصبح كالعادة وفي هذا اليوم بالتحديد بنتي رجعت البيت متأخرة، ولما سألتها اتأخرتي ليه ردت وقالت كنت عند عمو “إ” يابابا وشاهدت ملابسها بها اثار دماء متابعا حديثه اتصدمت وسألتها مين عمل فيكي كده يا “ش”، ردت عليا وقالت “إ” اللي عمل كده يابابا.
وتابع والد الفتاة حديثه أخدت بنتي وجريت على دكتور في البلد وقالي حالة بنتك خطيرة ولازم تروح المستشفى، جريت بيها على المستشفى وهناك إدارة المستشفى لما شافوا بنتي حالتها خطيرة اتصلوا بالشرطة وتم القبض على المتهم مضيفا أنا عايز حق بنتي ومش هسيبه وأهل المتهم دلوقتي بيعرضوا عليا مبالغ كبيرة مقابل إني أتنازل، وكمان في ناس عرضت عليا إن المتهم يتجوز بنتي عرفي لحد ما تبلغ السن القانوني للزواج، وأنا رفضت لأنهم ناس مفيش في قلوبهم رحمة، وبحذر كل الناس الغدر جالي من القريب ابن خالتي، خالوا بالكم من أولادكم وحسبي الله ونعم الوكيل.
وألقت الأجهزة الأمنية بمديرية أمن الجيزة القبض على المتهم، وحرر محضرا بمركز شرطة أطفيح يحمل رقم 6678 وتم إتخاذ الإجراءات القانونية وتولت جهات التحقيق التحقيقات.