قال الرئيس عبد الفتاح السيسي بطلب من الحكومة دلوقتي فيما يخص موضوع المباني .. إحنا قلنا 6 شهور .. عايزين فيهم نكون أنهينا كل الموضوعات المعلقة بحيث في نهايتهم نقول اذا كنا هنتصالح يبقى التصالح تم سداد الأموال .. وأرجو الشهر اللي تم إضافته للمواطنين كمهلة لسداد جدية التصالح الناس تنتهزه.. وبنهايتهم هتطلع الخريطة
ووجه السيسي الحكومة بإنهاء الموضوعات المتعلقة بملف وقف تراخيص البناء والتصالح بالمخالفات بنهاية فترة الـ 6 شهور، المحددة في قرار وزارة التنمية المحلية بوقف إصدار تراخيص بناء جديدة في المحافظات الرئيسية، والذي بدأ تطبيقه في القاهرة والإسكندرية والقليوبية والجيزة أواخر مايو.
وأكد السيسي بنهاية فترة تقييم حالة البناء في مصر ستصدر خريطة يتم على أساسها سن ضوابط البناء في مختلف أنحاء الجمهورية ، بحيث ستكون هناك أحياء لن يتم السماح فيها مرة أخرى بأي أعمال بناء مشيراً إلى وجود أراضي وأحياء لن يسمح بالمباني فيها تاني .. خلاص ماينفعش .. وفيه احياء هيتم السماح فيها بدور أو اثنين فقط .. أنا بقول الكلام ده علشان الناس تكون مستعدة ليها من دلوقتي .. ده أمر كدولة مانقدرش نتهاون فيه وإلا الكلام اللي بنقول إنه هيتعمل مش هيبقى فيه وسيلة تانية لتحسين الطرق والحركة أكتر من كده
واستكمل السيسي قائلا الزحام اللي موجود مش هنقدر نتحمله أكتر من كدة .. الـ 6 شهور دول هيكونوا عبارة عن تقييم ودراسات وفي نهايتهم هنقول ايه اللي نقدر نسمح بيه وايه مانقدرش نسمح بيه
يذكر أن مجلس الوزراء، برئاسة الدكتور مصطفى مدبولي، قد وافق أمس على مد فترة سداد مبلغ جدية التصالح على مخالفات البناء مدة شهر، تبدأ اعتباراً من اليوم السبت الموافق 15 أغسطس، وحتى 15 سبتمبر المقبل
وتمت الإشارة في بيان رسمي عن الحكومة إلى أن مجلس الوزراء كان قد وافق، في وقت سابق، على تفعيل أحكام قانون رقم 17 لسنة 2019 بشأن التصالح في بعض مخالفات البناء، وتقنين أوضاعها وبما يدعم استيداء حقوق الدولة
جاء ذلك خلال افتتاح الرئيس السيسي صباح اليوم الأحد المرحلة الرابعة من الخط الثالث لمترو الانفاق، كما وضع حجر الاساس لمحطة عدلي منصور التبادلية التي تعد احدي المحطات المركزية الكبري لربط العاصمة الادارية الجديدة بكافة مدن ومحافظات الجمهورية