هذا هو سبب انقطاع التيار الكهربى عن مدن الحوامدية والبدرشين والعياط .. الاهالى تصرخ الجو النار .. اين المسئولين عنا

أدى انقطاع التيار الكهربى في بعض المناطق بمدن الحوامدية والبدرشين والعياط الى حالة من الغضب بين الاهالى نتيجة ارتفاع درجات الحرارة
فيقول الحاج مرسى منصور حرام اللى بيحصل فينا ده التيار الكهربى قاطع من بعد صلاة الفجر مباشرة حتى الان اتسلقنا والأطفال بتفرفر زى الفراخ ارحمونا واغيثونا من هذا العذب
ويتابع الحاج نادى إبراهيم هل بعقل انقطاع التيار عن 3 مدن كبرى زى الحوامدية والبدرشين والعياط لاكثر من 5 ساعات ازاى ده يحصل ولا علشان احنا في جنوب الجيزة اللهم المواطنين درجة ثالثه يحصل فينا كده هل الكلام ممكن يحدث في المهندسين ولا الدقى استحاله طبعا لكن علشان احنا غلابة بيحصل فينا كده اين المسئولين عنا
ويضيف الحاج صابر الجمال انا رجل مريض ومش قادر استحمل الحر ده وبموت حرفيا انقذونا أيها المسئولين رحمة بنا وبالاطفال الكهربا قاطعة فوق 5 ساعات
وقال مصدر مسئول بشركة الكهرباء ان سبب الانقطاع هو انسحاب الجهد من إحدى دوائر الـ 66 المغذية لمحطة محولات البدرشين وجارى العمل على ارجاع الوضع كمان كان مشيرا الى ان التيار عاد في بعض المناطق
موقع “حواديت اون لاين” يضع مشكلة انقطاع التيار الكهربى مدن الحوامدية والبدرشين والعياط بين ايادى المهندس عادل النجار محافظ الجيزة ونائبه إبراهيم الشهابى للمراكز والمدن لسرعة التدخل لحل هذه المشكلة من جذورها خصوصا وانها تكررن منذ عدة أيام رحمة بالأطفال والشيوخ والنساء