تفتقر مدينة الحوامدية لاى متنفس او متنزه من اجل الترفية والتخفيف من حدة اعباء الحياة وبعد ان تم إنشاء ملاهى للاطفال وكافيه محترم بشهادة الجميع فرح به أهالى مدينة الحوامدية وقراها ولجوأ إليه لإخراج الكبت الموجود لدى الاطفال من خلال اللهو على الالعاب التى يقدمها هذا المكان وسرعان ما تلاشت هذه الفرحة بقرار غلق وتشميع المكان من مجلس مدينة الحوامدية والسبب ان المكان غير صادر له ترخيص
القصة كامله يرويها صاحب الشكوى قائلاً انا المواطن محمد احمد وهبه صاحب ملاهي فور فاملي اتمنى ان يصل صوتى للواء احمد راشد محافظ الجيزة راعى الشباب فنحن ابنائه واعتقد انه لا يرضيه ما حدث لنا متابعا حديثه قائلاً انا اول ما جاتلي الفكرة اول حاجة عملتها روحت المجلس وقولتلهم انا عايز اعمل مشروع ملاهي وكافيه الارض دي في شارع الميزان مطلوب مني اي عشان امشي قانوني قالولي ادفع ٣٠٠٠ جنيه قولت حاضر ودفعت وروحت ابدا شغل وف ايدي الايصال وواثق بقي من نفسي اني صح بعد يومين الاقي حد جالي قالي لا ده كلام مش مظبوط انت هتدفع ٢٠٠٠ جنيه تاني قولت حاضر و روحت ادفع الاقي حد تاني هناك يقولي لا انت تدفع ٥٠٠٠ جنيه رشوه و ٥٠٠٠ جنيه تاني ب ايصال والا مش هتفتح ف للاسف دفعت مضطر يعدي اسبوع ويجي حملة تشمع المكان اللي لسه متفتحش ف ارجعلهم واقولهم انا عملت اي ف يقولي ادفع ٥٠٠٠ جنيه تاني وادفع واروح افتح بعدها بيومين يرجعو يشمعو ف اروح يقولي لا ده كل اللي فات ده غلط انت لازم تقدم علي ترخيص قولتله ما انا جيت من الاول قولتلكم كده قولته ادفع وكده تمام قالي لا قدم علي ترخيص ف قدمت وعملت السجل. التجاري والبطاقة الضريبية وتخليت عن كارنيه المحاماه عشان احقق حلمي ف مشروعي وعملت شهادة سلامه انشائية وعملت رسم هندسي و شهادات صحية و جبت طفايات و اسعافات ركبت كاميرات ودفعت اشغالات وموافقة من اهل الشارع بانشاء المشروع قولتلهم افتح بقي اشتغل قالولي اه كده تمام وفتحت وقولت الحمد لله مش مهم اللي فات ربنا كريم واكيد هيعوضني اشتغلت شهر جه المجلس بدون وجه حق دخل المكان لمو كل الكراسي والترابيزات من جوه المكان وانا علي ذمة الترخيص وقالولي ده قرار محافظ وسكت وقولت اشتغل وابقي ادفع واجيبهم مش مهم وسجلت الملاهي فضرايب الملاهي عشان حق الدولة و اجرت كراسي غيرها وقولت اشتغل جالي حد من المجلس النهاردة يقولي فضي المكان وامشي عشان لو جينا يوم السبت لقينا حاجة هناخدها ونشمع
واتضح ان الموضوع كله ضغط من احد افراد الشارع ذو سلطان ونفوذ فى حين اهالى المنطقة بالكامل قاموا بالتوقيع على موافقتهم بعمل الملاهى دون اى اعتراض بل مرحبين بذلك
موقع ” حوايت اون لاين” يضع مشكلة صاحب ملاهى الاطفال بمدينة الحوامدية الذى يضم اكثر من 20 شاب كلهم جامعيين يعملون فيه من اجل كسب لقمة عيش حلال بإعادة النظر فى امر الاغلاق من أجل راحة أهالى المدينة بين ايادى اللواء احمد راشد محافظ الجيزة ونائبه إبراهيم الشهابى وهذا ما عهدناه دائماً فيكم الوقوف بجانب المواطن البسيط
