fbpx

المخرج أحمد الدالي يفند أبرز الأخطاء الفنية في مسلسل “نسل الأغراب “

18 مايو 2021آخر تحديث :

المخرج أحمد الدالي يفند أبرز الأخطاء الفنية في مسلسل "نسل الأغراب "

فند المخرج احمد صالح الدالي , مخرج الأفلام الوثائقية والروائية القصيرة الحاصل على جوائز دولية في الاخراج , أبرز الأخطاء الفنية في مسلسل نسل الأغراب قائلا من وجهه نظري المتواضعة في مسلسل الاغراب للمخرج الكبير محمد سامي “انا مستغرب ازاي محمد سامي يعمل ده في كاريره المهني هو له حاجات كتير حلوة قبل كده وده مش تقليل منه نهائي”

أضاف الدالي , أن الحلقة الاخيرة من نسل الاغراب هي كارثة فنية بكل المقاييس وأنا واحد أحيانا بتفرج على أفلام درجة تانية وتالتة فى هوليوود وبيبقى فيها احترافية عن الحلقة دى،

الثغرات التي وقفت عندها تتلخص فى الآتى :

1. ليه كل أحداث القتل فى أخر حلقة وورا بعض !! ده خلانى متأثرش بأى مشهد

2. المونتاج عبارة عن كارثة وقطعات مستفزة للعين ومشاهد لمى عمر كانت بتصوت كانوا بيدخلوا فويس أوفر متسجل لصويت مى عمر وكان بيبقى فارق عن صويت المشهد الحقيقى فى مشهد سريالى عجيب مستفز للاذن وفصلني عن المشهد الحقيقى

3. أخر الحلقة ومى عمر رايحة تنتقم من أمير كرارة وفجاة فضلنا خمس دقايق نسمع خطبة تانى وحوار ملوش أهمية يفصل من الحياة كلها ومن مى عمر بالاخص

4.الحوار تحس أنه محفوظ، المشاهد اللي بتحتوي ع القتل,, واللي قدامه يقوله انت جاى تقتلنى بجد ؟ وخمس دقايق على الحال ده طيب ما احنا عارفين كل الكلام ده امال بتعملوا ايه من اول المسلسل

4. لما الرباعيات كانت بتدخل كانت الموسيقى التصويرية بتقف لثوانى وبعدين تدخل موسيقى الرباعية وتحس مفيش اى تجانس للانتقال بينهم برضو

5.السقا وكرارة طول 30 حلقة فيه صراع بينهم عشان فى الاخر يتخانقوا مع بعض زى المدرسة !! وبس كدة !!! انا قولت واحد هيطير رقبة التانى.

6. كل مشاهد الموت فيها صويت غير مبرر من الممثلات مع صويت فويس أوفر فى الخلفية خلى الحوار كوميدى طيب ما واحدة تصوت والتانية تتصدم والتالتة يغم عليها يبقي فيه نوع من التنويع.

تايع الدالي أن محمد سامي محترف من رأيي ولكن خانه ذكائه السنادي في أوفر ومط في المشاهد مافيش اختزال واداء الممثلين كصعايدة أوفر أوي في الريأكشنات بتاعتهم ولا يمط لأهل الصعيد بصلة .

مضيفا , مهمها كان في طغيان وحد قوي في الصعيد عمرهم ما بيفرحوا في موت حد ولا اما بيحصل مشكله بيسكتوا رجال العرف وشيوخ البلد او الداخلية .

تابع , مي عمر كانت نجمه في دور شهد ف الاسطوره ولكن في نسل الاغراب لا علاقه لها بسن الصعيدية ولا بالملابس ولا بالميكب الي حطاه ولا الكاركتر كله , مضيفا مشاهد الاكشن ضعيفه جداا بالنسبه لنجمين اكشن كبار جداا زي السقا وكراراه .

تسائل الدالي , فين رساله المسلسل بإن كل الناس أشرار وكل الناس لازم تموت ، الخير الممثل في ظابط الشرطه مات والشر الممثل ف الطرفين اتعدموا ؟ انا كده استفدت ايه كمشاهد.

تابع , التصوير مش أحسن حاجة في بعض الكلوزات وقطعات المونتاج متعبة جداا للعين وفيها كروتة , مضيفا اخطاء وكورات كتيرة جداا ماتعديش علي أي مخرج زي أول مواجهة لعساف وغفران وعيالهم في بيت عساف عند دخول كراره بالعربيه أين اختفت أحصنة أحمد مالك وداش؟

تابع , هذا المسلسل لا يمت بالصعيد ولا بأهل الصعيد بصلة نهائي ده السقا الي عمل نسل الاغراب غير السقا الي عمل الجزيرة والناس صدقت أنه فعلا صعيدي ومنهم , مش عارف ازاي مخرج اُتيحت له الفرصه بالعمل مع نجمين شباك كبار زي السقا وكرارة ويضيعهم بغروره كده

أوضح , كان في استهتار واضح جداا بالمشاهد وبعض الغرور من المخرج في هذا العمل واستعجال وكسل في الشغل علي المشروع , مضيفا مش علشان مضيت عقد ٣سنين مع الشركه المنتجه تاليف واخراج يبقي اضرب اي حاجه ف الخلاط للمشاهد !

وأنهى الدالي كلامه , يمكن أفضل مشهد حقيقي في المسلسل كله هو ظهور صورة الفنان الكبير الراحل نور الشريف في بيت غفران اسقاط انه والده.

يذكر أن احمد الدالي مخرج ومؤلف افلام روائية قصيرة ومخرج خارجي لأكتر من قناة فضائية , حاصل علي مركز تالت عالما بمهرجان First time filmmaker festival , ومركز تاني بمهرجان الجزائر الدولي .