من سنة اتولدت ضحكتنا وفرحتنا .. الميرغنى يحتفل بعيد ميلاد نجلته “تمارا”

نشر الفنان حمدى الميرغنى ، صورة عبر حسابه على إنستجرام صورة جمعته مع زوجته الفنانة إسراء عبد الفتاح ونجلتهم تمارا ، مهنئها قائلة: “كل سنة وانتى حتة منى، كل سنة وانتى نبض قلبى، كل سنة وانتى بنتى وحبيبتى كل سنة وانتى دلوعة ماما وحبيبة بابا، كل سنة وانتى أجمل تمارا”.
جاء ذلك اثناء احتفال الميرغنى، وزوجته بعيد الميلاد الأول لابنتهما “تمارا”، التى ولدت يوم 3 ديسمبر 2019
وقال الميرغنى: “زى النهاردة من سنة اتولدت ضحكتنا وفرحتنا وسر سعادتنا، ربنا يحفظها ويبارك فيها، سنة كلها عياط وضحك ودكاترة وشقاوة سنة كلها حنية وحُب منها بلا مقابل أو هدف سنه كلها خوف وقلق عليها، سنة كلها كلام بالهمس وهى نايمة وصراخ ودوشة منها وإحنا نايمين كانت أجمل سنة فى حياتنا وإن شاء الله كل السنين الجاية أحلى وأجمل بوجودها معانا ربنا يبارك فيها ويبعد عنها كل شر”.
وأضاف الميرغنى: “كل سنة وأنتى حتة منى، كل سنة وأنتى نبض قلبى، كل سنة وأنتى بنتى وحبيبتى كل سنة وانتى دلوعة ماما وحبيبة بابا، كل سنة وانتى أجمل تمارا”.