فى حوار خاص لـ “حواديت أون لاين” وكيل وزارة التموين بالجيزة طلعت حسن يوجه عدة رسائل لشعب الجيزة منها :
- نفسى اخد الجنسية الجيزاوية لانى من القاهرة
- إضافة المواليد فى القريب العاجل
- المخابز هتعمل فترة مسائية اسوة بالقاهرة
- يوجه رساله للصانع اتقى الله فينا
- تشكيل غرفة عمليات لمتابعة الحالة اليومية فيما يتعلق بتوفر السلع التموينية، وعمل المخابز.
- بناشد المواطن بضرورة الابلاغ فورا فى حالة حصولة على سلعة غير مطابقة للمواصفات
“حواديت أون لاين” إلتقت بطلعت حسن وكيل وزارة التمورين بالجيزة وطرحت عليه أسئلة القراء لجيب عليها
إلى نص الحوار
س1 من منطلق حرص الدولة على وصول الدعم لمستحقية ما هى المهام التى تقوم بها مديرية التموين بالجيزة وادارتها على مستوى المحافظة لضمان وصول هذه السلع المدعمة للمواطن ؟
مديرية تموين الجيزة بتوجيهات من معالى وزيرالتموين ومتابعة من اللواء احمد راشد محافظ الجيزة بتقوم بمتابعة وصول الدعم لمستحقيه من خلال مراقبة المخابز ومراقبة البدالين ومراقبة جميع الانشطة التموينية المتمثلة فى مستودعات البوتجاز ومحطات البنزين وتوجد حملات يومية على مستوى الجيزة وتقريبا بيكون فى حدود 22 حملة كل يوم من اجل وصول الدعم لمستحقيقة بالاضافة الى وجود غرفة عمليات يومية مشيراً إلى أن هواتفنا موجودة على جميع المواقع والباب مفتوح لاى مواطن فى كل الادارات على مدار اليوم
س2 منظومة الخبز الجديدة والمطبقة اخيراً لان الخبز البلدى المدعم من اهم اساسيات المواطن البسيط ما هى الاجراءات التى اتخذتها المديرية لتطبيق سياسة الدولة؟
بيتم تطبيق سياسة الدولة من خلال تكثيف الجهود على المخابز ولا نسمح بتخفيض اى جرام من الوزن المتفق عليه من قبل الدولة فى نقص الوزن المقرر او بيع الخبز اغلى من السعر المعلن بالاضافة الى مراقبة جودة الخبز ولدينا عقوبات رادعه لاصحاب المخابز المخالفة منها ايقاف المخبز او سحب الحصه منه
س لماذا لا تعمل المخابز فى محافظة الجيزة فترة مسائية اسوة بالقاهرة؟
بالفعل توجد مخابز تعمل حتى الثالثة عصرا وهذا بيكون على حسب حصة الدقيق وهى الان ليست حصه لان صاحب المخبز اللى بيصرفه بياخد استعاضه عليه بمعنى صرف 10 شيكارة دقيق اليوم التالى بيصرف الـ 10 شيكارة وهكذا وان شاء الله فى القريب العاجل بالتعاون مع الادارات سوف يتم اعادة توزيع الاوقات مرة اخرى لان مدير الادارة هو المنوط بتوزيع الوقت على المخابز
س البطاقة التموينة والتى تحمل بداخلها متطلبات الاسرة المصرية المستحقة لدعم لمختلف السلع هل هناك تعليمات جديدة لاضافة المواليد؟
قريبا جدا سوف يتم الاضافة لانه تم تنقية البطاقة من الوفيات والمسافرين خارج البلاد والمكررين ولا يوجد معاد محدد لكنه قريب جدا
س ما هى السلع الجديدة التى وفرتها الدولة والتى تعطى للمواطن البسيط عرض لانواع مختلفة بحسب احتياجاته ؟
السلع التموينية اكثر من 20 سلعة لكننا نبحث عن احتياجات المواطنين على حسب الظروف على سبيل المثال ازمة كورونا كان يوجد استغلال للمواطنين فى شراء الكمامة قمنا ببيع الكمامة بمبلغ 50 قرش على البطاقة التموينية وخلينا البطاقة 3 افراد فاكثر كمامة اجبارى عاوز ياخد اكثر مفيش مشكلة
س ما هى الاجرارات التى تتخذ لوصول السلع بجودة كما نوعا للمواطن البسيط؟
توجد معنا عدة جهات رقابية لمراقبة المنتج من خلال المواصفات التى تم وضعها والمخالف بيتم محاسبته وذلك فى حالة مخالفته للمواصفات التى تم وضعها للسعلة ونقوم بالمراقبة من خلالها لانه توجد نفوس ضعيفة لبعض البدالين بياخد السكر الحكومى المخصص للتموين ويقوم ببيعه على انه حر ويجب سكر اقل جودة يضعه مكانه هنا بيكون دور التفتيش . وبناشد المواطن على الابلاغ فورا فى حالة حصولة على سلعة غير مطابقة للمواصفات
س ما هو دور المجمعات الاستهلاكية داخل محافظة الجيزة ؟
انا كمدير مديرية بعتبر ان هذا هو السند الحكومى فالمجمعات الاستهلاكية والمخابز الكبرى هما السند لانهم بيوفروا السلع الجيدة بالاضافة انه بيبع السلعة حر فلابد انه يكون اكثر التزاما واحنا دائما بنفتش على المجمعات زى ما بنفتش على البقال كله سواء واحنا بشر ووارد الخطأ المتعمد
س فى اطار توجيهات وتعليمات رئيس الجمهورية ببدء مبادرة مايغلاش عليك ما هى الضوابط الخاصة بالمبادرة وكيف يستفيد منها المستهلاك البسيط وكذلك تشجيع المستهلك والمنتج المحلى ؟
بنوجه الشكر لفخامة الرئيس على هذه المبادرة الجميلة وجميع الجهات القائمة عليها لكنى هتكلم على دور التموين فى هذه المبادرة وهو مد المشتركين فى مبادرة مايغلاش عليك بالبيانات والمعلومات للفرد الذى يمتلك بطاقة بها 4 افراد واخر 5 افراد وقام بشراء منتجات بقيمة 10 الاف جنيه له خصم بقيمة 10% من الاجمالى يعنى تأخذ خصم 1000 جنيه بالاضافة ان هذه المبادة بتخصم 20% من المنتج او المصنع يعنى المواطن يعتبر اخد خصم 30% على السلعة فهى مبادرة جميله جداً
س الرقابة على الاسواق والمحلات والمصانع ما هى الاجراءات التى تتبع لاحكام الرقابة عليها؟
توجد رقابة على جميع الانشطة سواء التموينية او غير التموينية والغش التجارى والتصنيع واحنا بنعمل كمية محاضر لا حصر لها على سبيل المثال تم ضبط مخلل فاسد وملح غير صالح للاستهلاك الادمى وانا بوجه رساله للصانع بقوله فيها اتقى الله فينا
س الاوكازيون الصيفى ودوه فى وصول السلع باسعار مخفضة للمواطنين لسد احتياجاتهم .. ما هو دور مديرية التموين وما هى الاجراءات المتعبة فى هذا النظام لضمان حصول المواطن على تخفيض حقيقى ؟
نشكر معالى الوزير لانه مد الاكازوين الصيفى حتى 22/9/2020 والحمد لله حتى الان دخل الاكازوين 550 محل فى المنظومة لبيع المنتجات الصيفية بخصم قد يصل الى 50% ودور التموين هنا بندخل نطلع على الفواتير القديمة والجديدة علشان نعرف و نتأكد هل المنتج قديم ولا جديد من خلال الفواتير ولو المواطن شك انه بيتنصب عليه يستعين بالمفتش فى المنطقة التابع لها المحل او يأتى إلى المديرية واحنا هناخد كل الاجراءات اللازمة ضد المخالف
س ما هو دور التجارة الداخلية داخل مديرية التموين بالجيزة ؟
التجارة الداخلية لها نشاط كبير اولا بتقوم على مراقبة محطات البنزين ومستودعات البوتاجاز وتوزيعه وهى التى تحدد حصص كل مستودع بالإضافة إلى مراقبة جميع الانشطة الغير تموينية والصلاحيات والغش التجارى لان اصبح نشاطها كبير جدا وتم تفعيل دورها عن قبل سابق
اين دور الرقابة على غش زيوت السيارات وهو موجود فى جنوب الجيزة بكثرة ؟
احنا بننزل على المحطات وناخد عينات وبنقوم بتحليلها فى المعامل المختصة واحيانا بنلاقى الزيت تم تزويده بالماء
اين دور الرقابة فى المصانع تحت السلم فى هذا المجال ؟
انا بناشد المواطنين انهم يبلغوا عنهم لان احنا كل حاجة مش بنشوفها علشان نقبض عليهم ونخلص الناس من شر هؤلاء الفسدة واحنا بنطمنه ان عندنا تعليمات بعدم ذكر اسمه خايف يبعت على الواتس من اى تلفون يبعت على الفكس لكن احنا بنطمنه محدش هيجيب سرته باى شئ بس ابعت المخالفات واحنا هنشتغل عليها يعنى بطمنه ومتخفش بس وصلنا للمعلومة وملكش دعوة بعد كده
س ما هو دور حماية المستهلك بالمديرية لضمان حصول المواطن على احتياجاته طبقا للقاوانين المنظمة لذلك ؟
دوره انه بيتلقى اى شكوى ويقوم بفحصها والتأكد من الشكوى لو صحيحه بتتخذ كافة الاجراءات القانونية ضد المخطئ
س تعبئة السكر فى القطاع الخاص ناقص وزن الموجود فى جميع السوبر ماركت وعنج البدالين ما هو دو رالمديرية ؟
يوجد قرارات وزارية بان الوزن لازم يكون 1كجم ونعتبر ما طرحته علينا شكوى ونكثف جهود التجارة الداخلية لضبط المخالف
س قرض المعونة على البدال التموينى فى محافظة الجيزة فقط لماذا؟
المعونة صفة اختيارية على المواطن لكنها على البدال التموينى بيتم تحصيلها وموجوده فى كل المحافظات لانها بتخدم قطاع كبير من الفقراء والمساكين بدليل ان معظم فلوس المعونة بتذهب إلى الجمعيات الخيرية بموافقة المحافظ والجهات الامنية لانها تخصص المحافظ ويوجد تعليمات للبدال ان المواطن لو مش عاوز يدفعها ما يدفعهاش ,احب ان انوه لشيئ بسيط المواطن المصرى اطيب مواطن لانك لو قلت له انا باخد النصف جنيه ده علشان بيروح لواحد تعبان او محتاج هيقولك خد جنيه بدل النصف جنيه لكن احنا بنقف فى وش البدال لما يطلب على البطاقة 5 أو 10 جنيه فى الحالة دى تعالى بلغنى لانه حقك واحنا هنحسبه اما بالنسبة للمعاونة من حقك تاخد الطابع لاننا بنترك طوابع عند كل بدال فلابد من انك تاخد الطابع اللى يدل على انك دفعت على البطاقة مبلغ كذا
س لماذا لايتم غلق السستيم فى ماكينة البدال التموين على القيمية الفعلية للبطاقة مثل الخبز ؟
ما ينفعش ليه علشان على سبيل المثال انا بطاقة مكونة من 4 افراد ليهم 200 جنيه هو الراجل اشترى 205 جنيه هحسبه ازاى انما الخبز محكوم فى العدد علشان كده بيتم غلق السسيتم على القيمة لكن فى التموين مختلف بمعنى ان الراجل اشترى مثلا سلع بقيمة 205 جنيه وهو ليه 200 جنيه بنكتبها له فى البون ويدفع الفرق الباقى فى الحساب هى دى المشكلة لان السلع التموينية مش بتكون محكومة على الملى
س مواطن بيجى يصرف زيت فقط ومش بياخد السكر تيجى حضرتك تعمل محضر للبدال علشان لم يصرف السكر ؟
هذا غير صحيح لان البدال هو الذى يختار السلع لان يوجد سلع لا يقوم ببيعها على سبيل المثل انا ساكن فى منطقة شعبية عاوز مسحوق غسيل فيه منطقة تانية مش عاوزه المسحوق وعاوزه سكر وارز يعنى البدال هو اللى بيختار السلع وقريبا جدا سوف يطبق عليه نظام الخبر بالاصطعاضه يعنى اعطيت لك 100 كرتونة زيت 100 كيلو سكر وبعت كميات معينة اللى بعته هتاخد مكانه
وفى نهاية الحوار أحب اقول المواطن الجيزاوى انت افضل مواطن انا تعاملت معه ونفسى اخد الجنسية الجيزاوية لانى من القاهرة