قال الدكتور وليد بشير عرفات سلام ، مرشح مجلس النواب دائرة الهرم واكتوبر والشيخ زايد والواحات البحرية، رمز السهم رقم 72، أن ” أقل تقدير يستحقه الناخب هو ان المرشح ينزل لحد عنده ويعرض عليه أفكاره ويسمع منه احتياجاته ومشاكله، مش يوصله عن طريق اليفط والاعلانات وبس، أو يصور فيديو وهو قاعد في مكانه “، مضيفا ” لو عايزين الناخب يقدرنا وينزل ينتخبنا ، لازم نقدره احنا الاول وننزله ” .
أضاف الدكتور وليد بشير، ” انت الناخب، يعني الوحيد اللي في ايده قرار النجاح لأي حد في أي انتخابات، وياريت تختار اللي فاهم ده كويس، وقادر يفهم أهمية انه يقدرك من دلوقتي، ويسعى لإرضاءك بعد نجاحه، وعلشان انت الأهم في العملية الانتخابية، قررت اني أكمل في المنهجية الدعائية اللي انا اختارتها، اللي هي عبارة عن دعاية مباشرة من خلال اني انزل الشارع وأقابل اكبر عدد ممكن منكم، واعرفكم بنفسي، واحاول أبني برنامج انتخابي يلبي احتياجاتكم ، وهتبقى الجولات دي جزء أساسي من عملي طول فترة المجلس القادم لما انجح ” .
يذكر أن المرشح وليد بشير، حاصل على الدكتوراه فى ادارة الاعمال من كلية التجارة بجامعة حلوان، ويعمل مدير مشروع بوحدة تنمية الصعيد بالهيئة العامة للتنمية الصناعية، ومن أهم مبادئ برنامجه ” بيكم هيحصل التغيير، ويهتم بتمكين دور الشباب وحماية المرأة، والتامين الصحى، وتطوير منظومة النظافة، واشراك المواطنين، وغيرها من الملفات الهامة التى يضعها اولى الاهتمامات فى برنامجه .
